本來只想請半天假去交表，但最後也要請全日。老公知我要交兩間幼稚園的入學申請表，而且兩間的交通不算十分方便，於是也一併請半左假當司機送我去。
原定七點半出門，最後八點三才出門，還要碰上隊道塞車，所以去到幼稚園門口已經八點九。
先去麗港城迦南，到達後已見門外一條長人龍，驟眼估計已有大概一百人，但原來學校門口有個小空地，那裡有一條大約六/七十人的車餅，所以我估自己排150左右。前後共2小時可完成交表，過程總算順利。
攪掂一間，再到另一間九龍塘迦南交表。本以為可以上午攪掂，下午返工，排了個多小時，一直緩慢前進，還有六/七十人就到幼稚園正門，突然間，見到前方有個老師派緊籌... 那時的心情簡直晴天霹靂，明明條隊一直郁緊，但點解突然間派籌呢? 學校解釋因就到放學時間，唯有請家長下午再去。OMG，我要請多半天假了!
都冇辦法，唯有先去醫肚，然後再折返。
老公下午要開會，一定要返工。我唯有自己頂硬上，沿路駕車回去，我相信自己會做到。
順順利利安全到達九龍塘，點知去左窩打老道迦南，好在我認路都算不差，U-turn倒後去返金巴倫道。撞正放學時間，周圍都是校車，又冇街錶。對於一個新手駕駛者來講，都幾徬徨。見到路邊幾架車泊了一半上行人路，我也跟著泊。
一點到達幼稚園門口，又要排隊，竟然和剛來的家長排同一條隊。早上派籌話會再按先後計交表時間，下午黎到完全冇呢回事。還好，排了15分鐘，入去等10分鐘，前後30分鐘走人。
回家趕得及和我媽和婆婆飲茶... J愈大愈古靈精怪，「啊... 你睇電視」佢就做左下面呢個動作... 氹得太婆同婆婆超開心!
 |
| Peek-a-boo |
之後去左書局行下坐下玩下，又一日...
26/09/2013 @ J:Y1D141
----------
迦南幼稚園（九龍塘）
No comments:
Post a Comment